Украинада халық жерасты метро стансаларын паналап жатыр. Фото

25 ақпан 2022, 13:51 Авторға хат жазу قازاقشا Qaz

Украинада түнгі коменданттық сағат енгізілді. Ал метро стансалары жарылыс болған кезде адамдар жасырына алуы үшін ашық қалдырылып жатыр.

ВВС агенттігі Киев пен Харьков метро стансаларын паналаған тұрғындардың, соның ішінде қарттар мен сәбилердің суретін жариялады.

Агенттіктің жазуынша, украин халқы Ресей әскерінің шабуылы басталғалы бері жерасты метро стансаларын паналай бастаған. Адамдардың көпшілігі көрпе мен жылы киімге оранып алған. Жанында жеке заттары салынған сөмкесі бар.

Сонымен қатар мыңдаған украин үйін тастап, көрші елдерге қаша бастаған. БҰҰ-ның босқындар ісі жөніндегі Жоғарғы комиссарының мәліметінше, олардың саны 100 мыңнан асады.

Украинаның батысында орналасқан Польша да әскери босқындарды қабылдау үшін арнайы орталықтар құрды.