Ұлттық қордан республикалық бюджетке қаржы алу біртіндеп азаяды

2 қараша 2023, 17:45 Авторға хат жазу قازاقشا Qaz

Жаңа жылдан бастап инвестициялық табыстың 50%-ы 18 жасқа дейінгі балаларға тең бөлінетін болады.

2024 жылы қордан бюджетке 1,6 триллион теңге транферт алынады. Қаржы әлеуметтік маңызы бар және инфрақұрылымдағы стратегиялық маңызы бар жобаларға жұмсалады, деп хабарлайды 31-арнаның Информбюро ақпараттық бағдарламасы.

Ендігі кезекте Ұлттық қорға алақан жаймай, бюджеттің кірісіне арқа сүйеуге басымдық беріледі. Үкімет басшысы экономикалық өсім 2026 жылға қарай 6% болады деп жоспарлап отырғанын айтты.

Оқи отырыңыз: Тоқаев: Ұлттық қордың трансфертіне тәуелділіктен біртіндеп құтылуымыз қажет

"Ұлттық қордан тартылатын қаражат – нысаналы трансферттер жылдан жылға төмендейтін болады. Ол үшін біз тиісті инвестицияларды тартып, нақты секторды қаржыландыру мәселесін шешеміз", – деді ҚР Премьер-министрі Әлихан Смайылов.