Үш қаладағы Qazbilim мектептеріне 420 грант бөлінді. Оған кімдер ие бола алады

Шымкент қаласындағы және Қызылорда мен Атырау облыстарындағы Qazbilim мектептерінде білім алу үшін 420 грант бөлінді. Бұл туралы Qazbilim басқарма төрағасы Аятжан Ахметжанұлы хабарлады. 

Гранттар саны: 

Шымкенттегі 2 ұлттық лицей:

• 100% гранттан  – 100 оқушыға грант;
• 50% гранттан  – 50 оқушыға грант. 

Қызылорда қаласындағы ұлттық лицей: 

• 100% гранттан  – 100 оқушыға грант;
• 50% гранттан  – 50 оқушыға грант. 

Атырау қаласындағы ұлттық лицей: 

• 100% гранттан  – 20 оқушыға грант;
• 50% гранттан  – 100 оқушыға грант. 

Қабылдау емтиханы әр мектеп қабырғасында 28 тамызда болады, оған қатысу үшін алдын ала тіркелу қажет. 

"Жеңілдік сұраған ата-аналар мен өтініш айтқан адамдар тым көп болуын ескере отырып, экономикалық мүмкіндіктерімді саралай отырып, мүмкіндігім бар 3 қалаға тағы 420 оқушыға грант беруді жөн көрдім. Тағы дейтінімін оқу жылы соңында 8 қаладағы Qazbilim ұлттық лицейлеріне 300 оқушыға грант берген болатынмын. Екі реттегі берілген гранттың жалпы құны 800 миллион теңгеден асады", – деді Аятжан Ахметжанұлы.

Оқи отырыңыз: Қостанайда ұлттық лицей ашылды