Вайнерлер Мейіржан Төребаев пен Мейірхан Шерниязов абақтыда қалай жұмыс істеп жатыр

6 желтоқсан 2024, 13:57 Авторға хат жазу قازاقشا Qaz

Олар жұмыс істеген уақытта абақтыдан шыға алады.

Алаяқтық бабымен сотталған вайнерлер Мейіржан Төребаев пен Мейірхан Шерниязов жұмысқа орналасты, деп хабарлайды Massaget.kz

Олар қазір қауіпсіздік дәрежесі төмен абақтыда жазасын өтеп жатыр. Сондықтан жұмыс істеген уақытта абақтыдан шыға алады.

"Аталған сотталушылар мекеме әкімшілігі мен жұмыс беруші арасындағы келісімшарт негізінде Алматы маңындағы ұйымдарға жұмысқа тұрды. Қауіпсіздігі төмен абақтыларда сотталғандар жұмыс уақытында абақтыдан шығып, күн тәртібіне орай қайтып келеді", – деді ІІМ Қылмыстық-атқару жүйесі комитеті.

Сонымен қатар минималды қауіпсіздік мекемелерінде қарапайым жағдайда жазасын өтеп жатқан сотталғандар жатақханаларда тұратыны белгілі болды.

Оқи отырыңыз: Вайнерлер Мейіржан Төребаев пен Мейірхан Шерниязов 10 тәулікке қамалды