Жас қаламгерлерге арналған президенттік әдеби сыйлыққа өтінім қабылдау басталды

2 маусым 2023, 10:24 Авторға хат жазу قازاقشا Qaz

Жеңімпаздардың әрбірі 4 миллион теңге сыйақы алады.

Қазақстанда тұңғыш рет дарынды жастарға мемлекеттік қолдау көрсету, ақын-жазушылардың жаңа буынын қалыптастыру мақсатында Президенттік арнаулы әдеби сыйлық табысталады, деп мәлімдеді мәдениет және спорт министрі Асхат Оралов мәлімдеді.

Президенттік сыйлыққа өтінімдер 1 маусымнан 30 маусымға дейін, қағаз және электронды нұсқада қабылданады. Басты шарт – материалдар осыған дейін халықаралық және ұлттық байқауларға қатыспаған, тың туынды болуы керек. Сондай-ақ, әдеби сыйлыққа тек 18-35 жас аралығындағы қаламгерлер үміткер бола алады.

Президенттік әдеби сыйлық негізгі 4 номинация бойынша үздіктерді анықтайды. Үміткерлер "Проза", "Поэзия", "Драматургия" және "Балалар әдебиеті" бойынша өз еңбектерін ұсына алады.