Жаттықтырушы-оқытушыларды ынталандыру төлемдері енгізіледі

28 сәуір 2023, 14:05 Авторға хат жазу قازاقشا Qaz

Ол спортшылардың жоғары нәтижесі және оларды спорттық дайындықтың келесі кезеңіне өткізгені үшін беріледі.

Жаттықтырушы-оқытушыларға спортшысы жоғары нәтиже көрсетсе және спорттық дайындықтың келесі кезеңіне өтсе ынталандыру төлемі беріледі. Бұл туралы мәдениет және спорт министрі Асхат Оралов мәлімдеді.

Министрдің айтуынша, алдағы жазғы және қысқы Олимпиадаға дайындық мақсатында әртүрлі бағдарлама жүзеге асады.

"Бұл жас таланттардың алға жылжуына көмектеседі, ал мамандарға қосымша мотивация береді. Алдағы жазғы және қысқы Олимпиадаға дайындық мақсатында "Париж-2024" және "Милан-2026" бағдарламалары іске асырылады. Бұл бағдарламалар шеңберінде біз спортшыларға жан-жақты қолдау көрсететін боламыз", – деді министр.

Оқи отырыңыз: Спортшылар мен жаттықтырушыларға қандай жетістігі үшін ай сайын 345 мың теңге төленеді?