Жетісу облысында 4 мың оқушы информатика сабағында ересектерге арналған сайттарды қараған

27 қаңтар 2025, 17:13 Авторға хат жазу قازاقشا Qaz

Жеті мұғалім жол берілген бұзушылықтары үшін тәртіптік жауапкершілікке тартылды.

Жетісу облысында оқушылар сабақтың орнына діни ойын мен ересектерге арналған сайттарды қараған, деп хабарлайды Жетісу облысының прокуратурасы.

"Көксу ауданындағы жеті мектепте 4 мың оқушы информатика кабинетіндегі тыйым салынған сайттарға, соның ішінде "Игра Сатаны" діни ресурсын және мазмұны ересектерге арналған сайттарға кірген. Жеті мұғалім жол берілген бұзушылықтары үшін тәртіптік жауапкершілікке тартылды. "Заң және Тәртіп" идеологиясын жүзеге асыру аясында Жетісу облысының прокуратурасы кәмелетке толмағандардың құқықтарын қорғауды жалғастыруда және олардың қауіпсіздігін қамтамасыз ету үшін қосымша шаралар қабылдайды", – делінген прокуратура хабарламасында.

Оқи отырыңыз: Қазақстанның бірнеше өңіріндегі оқушылар мен студенттер қашықтан оқуға көшті

Прокурорлық қадағалау актісі бойынша аталған сайттар бұғатталған.