Нұр-Сұлтанда Қажымұқан Мұңайтпасұлына ескерткіш орнатылады

14 мамыр 2021, 12:46 Авторға хат жазу قازاقشا Qaz

Фото adebiportal.kz сайтынан алынды. Фотоны түсірген Бауыржан Жуасбаев

Биыл, сондай-ақ, "Қажымұқан" толықметражды көркем фильмінің тұсаукесері өтеді.

Биыл қазақ палуаны Қажымұқан Мұнайтпасұлының 150 жылдық мерейтойының салтанатты ашылу рәсімі өтіп, 78 маңызды іс-шара жоспары бекітілген.

"Олардың ішінде Нұр-Сұлтан қаласында Қажымұқан Мұңайтпасұлының монументін орнату. "Қажымұқан" толықметражды көркем фильмінің тұсаукесері, халықаралық және республикалық турнирлер өткізу бар", – деді Мәдениет және спорт министрі Ақтоты Райымқұлова.

Министрдің мәлімдеуінше, Жапония астанасы Токио қаласында жазғы олимпиада және паралампиада, Түркиядағы Төртінші дүниежүзілік көшпенділер ойындарында қазақтың ұлы палуанына арналған халықаралық көрмелер ұйымдастыру жоспарланған.

7 сәуірде палуанның туған күніне орай спорттық бұқаралық іс-шаралар өтіп, Ақмола облысының Қажымұқан ауылында спорт кешенінің іргетасы қаланған.

Оқи отырыңыз: Ұлытауда "Жошы хан" тарихи-мәдени кешені ашылады