"Сержан Братан" Aitube видеохостингіндегі ең үздік сериал атанды

Serjan Bratan сериалы алғашқы бес айдың нәтижесі бойынша 2021 жылы Aitube видеохостингіне орналастырылған қазақстандық сериалдардың ең танымалы болды. Төртінші, бесінші және жетінші эпизодтар қаралым саны жағынан үздік үштік қатарында. Олардың әрқайсысын бір жарым миллионнан астам көрермен көрген. Бұл туралы Aitu-Dala компаниясының баспасөз қызметі хабарлады.

Сериалдың арнайы шығарылымы  ұлттық видеохостингте эксклюзивті түрде 17 маусым күні 18:00-де "Пацанские Истории" арнасында жарық көреді.

"Aitube дүркін-дүркін ddos-шабуылдарға ұшырап отырды. Нәтижесінде біз шабуылдарды тойтарып қана қоймай, платформа қауіпсіздігін қамтамасыз ету жүйесіндегі олқылықтардың да орнын барынша толтырдық. Біздің аудиториямыз бұған түсіністікпен қарады, сол үшін де дәл соларға арнап біз  Aitube-тен бонус ретінде Serjan Bratan-ның арнайы сериясын шығарып отырмыз. Ол сериал кейіпкерлерінің хакерлермен қалай күресетінін әзіл-сықақ түрінде көрсетеді", – деді Aitu-Dala компаниясының контент-директоры Ерлан Игісінов.

Оқи отырыңыз: Баиа Халықаралық анимациялық фестивалінде Balapan арнасының  "Шыңырау" анимациялық фильмі жеңімпаз атанды