Жәнібек Әлімханұлы 26 маусымда америкалық Роб Брантпен Лас Вегаста жұдырықтасады

Sports.kz сайтының хабарлауынша, Жәнібек Әлімханұлының оппоненті – WBA нұсқасы бойынша орта салмақтағы әлемнің "тұрақты" чемпионы, америкалық Роб Брант (26-2, 18 КО). Орта салмақтағы кездесу 10 раундқа есептелген және ол 26 маусым күні Лас Вегаста (АҚШ) Василий Ломаченко – Масаеси Накатани бокс кешінің андеркардында өтеді.

Жәнібек Әлімханұлы кездесу күні белгілі болғаннан кейін Twitter желісінде өз дайындығының видеосын жариялады.

QAZAQ STYLE #1 pic.twitter.com/vcML96ylJx

— Janibek Alimkhanuly (@qazaqstyle) May 18, 2021

Жәнібек Әлімханұлы бұған дейін соңғы рет рингке 2020 жылғы қазан айында шыққан болатын. Ол аргентиналық боксшы Гонсало Кориюды (16-4, 6 КО) екінші раундта нокаутқа жіберді.