Алматы облысында әскери техника жеңіл көлікпен соқтығысты

15 қаңтар 2025, 18:13 Авторға хат жазу قازاقشا Qaz

Зардап шеккендер мен қаза болғандар жоқ.

"Алматы-Өскемен" тасжолында әскери техника тралдан құлап кетті, деп хабарлайды "ҚазАвтоЖол".

"ҚазАвтоЖол" мәліметінше, жол апаты 15 қаңтар күні, сағат 13:40 шамасында "Алматы-Өскемен" автожолының 56 шақырымында, Заречный ауылы маңында болған.

Оқи отырыңыз: "ҚазАвтоЖол" республикалық жолдардағы ахуал туралы мәліметті жариялады

"Цзефан автокөлігінің тралынан екі әскери техника түсіп кетіп, жолда аударылып, артынша полицияның Ssang Yong Actyon автокөлігімен соқтығысты. Зардап шеккендер мен қаза болғандар жоқ", – делінген хабарламада.

Еске сала кетейік, бұған дейін "Алматы-Өскемен" автожолында 18 автокөлік соқтығысқан еді.